مريم

مريم

03-07-2022

02:59

خطوات التعيين كاملة بعد الترشح في وزارة الكهربا و الماء و الطاقة المتجددة ✨💧 ..

2️⃣- التقديم راح يكون على هالرابط 👇🏻 ماله داعي تروحون الوزاره لان كل شي بالموقع و اذا رحتو راح يقولون لكم صورو هالباركود و قدمو فيه الباركود هذا اهو نفسه الرابط الي تقدمون عليه ..

3️⃣- جهزوا اوراقكم و تأكدوا عندكم كل هذيله ( صورة شخصية خلفية زرقه ٤*٦ ، شهادة ميلاد ، جنسية ، بطاقة مدنية ، شهادة الجامعه ، ورقه معادلة الشهادة لو كنتو متخرجين من جامعة خاصة او برا الكويت ، شهادة راتب ) يتبع 👇🏻

تدخلون و تعبون البيانات كلها و يفضل تحطون الاوراق بشكل واضح و بي دي اف بس تقدمون و تخلصون من التقديم تنطرون هالايميل و عادي يوصلكم بأي وقت مو شرط بوقت الدوام ف خلكم فاتحين التنبيهات ، ( الايميل 👇🏻)

4️⃣- جيكو بال inbox و بال junk لثنين لان لو في شي مو واضح حاطينه راح يدزون لكم ( هالايميل 👇🏻) ملاحظه : مع ان ماكو اوضح من الـ بي دي اف بس عادي يقولون لكم مو واضح و عادي ردو صوروهم صور عاديه من التلفون مو بي دي اف ..

5️⃣- اذا كل شي واضح من البدايه ماراح يدزون لكم ردو صورو شي راح يدزون لكم هذا دايركت و نفس الشي الي ردو صورو الاشياء الي مو واضحه و كل شي تمام راح يدزون ( هالايميل 👇🏻)

6️⃣- بعد ما يوصلكم هالايميل تنطرون الايميل الي تعرفون فيه وين حطوكم بأي قطاع بالوزاره من البداية و لغاية هالايميل كله تواصلكم بيكون ايميلات ماله داعي تروحون الوزاره إلا اذا ببالكم قطاع معين تبونه او اذا طولو عليكم بالايميل تروحون تراجعون ' قسم ترتيب الوظايف ' .. ( الايميل 👇🏻)

7️⃣- بعد هالايميل سكرتارية القطاع نفسه راح يتواصل معاكم و يحدد موعد المقابلة و اذا طولو عليكم روحو راجعو القطاع الي حطوكم فيه بالوزاره شوفو القطاع بأي دور و كلموهم و قولو لهم ان محد تواصل معانا بخصوص المقابلة بس هني اذا طولو عليكم وايد فوق الاسبوع او اسبوعين ..

8️⃣- بعد الايميل الي مبين وين حطوكم بأي قطاع سواء قبل او بعد المقابله تقدرون تسوون الفحص الطبي ، تاخذون من الوزاره من قسم التعيينات ' ورقة الفحص الطبي ' و تاخذون موعد بالمجلس الطبي لأن ما يدخلون إلا بمواعيد ( يتبع 👇🏻)

هذا الرابط الي تاخذون فيه موعد بالمجلس الطبي ( نوع الطلب ' كشف طبي للتعيينات ' ) 👇🏻 و تطبعون كل الاوراق الموجوده فيه و تاخذون معاكم صور شخصية مو اقل من ٥ احتياط .. ( يتبع 👇🏻)

لما تيون تاخذون موعد حق المجلس الطبي راح يكون في اوراق تطبعونهم من الموقع : (اشعة ، تحليل بول تكرمون ، السمع) هذيله تسوونهم برا المجلس الطبي ، (فحص الدم و فحص النظر) هذيله داخل المجلس الطبي .. 📍لوكيشن (المجلس الطبي) General Medical Council ( يتبع 👇🏻)

- مركز سالم العلي للسمع بدون موعد و النتيجه تطلع بنفس الوقت و تاخذونها معاكم .. 📍لوكيشن ( مركز سالم العلي الصباح للنطق والسمع ) : 2482 9632 دوامهم يوم الاثنين من ٢ لي ٦ مستشفى زين عيادة رقم ٣ أو يوم الخميس من ٨ الصبح لي ١٢ الظهر - عيادة ١١ .. (يتبع👇🏻)

- تحليل البول تكرمون و الاشعه تسوونهم بالمستشفى الي انتو تابعين لها بدون موعد و النتيجه تطلع بنفس الوقت و تاخذونها معاكم .. 📍لوكيشن مكافحة وحدة الدرن TB Control Unit ( يتبع 👇🏻)

🔴ملاحظه : اذا متزوجه تروحين مستشفى الولاده : تسوي فحص بول تكرمون اذا موحامل تسوي الاشعه اذا حامل تروح لغرفه ١٠ بالاشعه يكتبلها الدكتور اعفاء من الفحص .. ( يتبع 👇🏻)

- فحص الدم تسوونه بالمجلس الطبي بموعدكم الي خذيتوه ، النتيجه تطلع بعد اسبوع تقريبا بس تطلع تروحون تستلمونها و تروحون الشباك راح يعطيكم ورقه ثانيه عشان تسوون فحص النظر داخل المجلس .. ( يتبع 👇🏻)

بالنهاية كل هالنتايج تاخذونهم و تعطونهم الشباك الي بالمجلس الطبي ، اهما المجلس راح يدزون النتيجه حق الوزارة مو انتو .. بعد ما توصل النتيجه حق الوزارة راح يوصلكم هالايميل 👇🏻

9️⃣ بعد ايميل وصول نتايج الفحص الطبي تروحون الوزاره .. ١- السجل العام الدور ٢ تقولون لهم ابي نتيجة الفحص الطبي لائق صحياً للعمل و تعطيها التعيينات + ورقة المقابلة لو كنتو مخلصينها هم تعطونها التعيينات ..

🔟- بعدها في كتاب تدزه الوزاره حق الديوان عشان (تحديد المسمى و الدرجة) بس تدزه الوزاره حق الديوان راح يوصلكم تم تحويل طلب لتحديد المسمى و الدرجه للديوان ، و بس يخلص ينرد الوزاره يوصلكم ايميل فيه ( تم الموافقة على تحديد المسمى و الدرجه من الديوان ) ، ( يتبع 👇🏻)

بس يوصلكم هالايميل روحو الوزارة و طلعو ورقة مباشرة العمل من قسم التعيينات و راح يخلونكم تبصمون و ودوها قطاعكم شوفو بأي دور قطاعكم و سلموها لهم و من التاريخ الي طلعتو فيه كتاب مباشرة العمل محسوب معاشكم و بنفس الوقت القطاع راح يقولون لكم متى تباشرون عمل .. ( يتبع 👇🏻)

🔴 ملاحظه : في حال ما وصلكم الايميل هذا رقم الديوان تواصلو معاهم وتس اب و سألو عن كتاب (تحديد المسمى و الدرجة) شنو صار عليه الرقم : 22333668

1️⃣1️⃣- في حال كلموكم الوزارة و قالو لكم راجعو الادلة الجنائية ، راجعو بدون لا تاخذون شي من الوزارة سيده و بدون موعد راجعوهم راح يخلونكم تدفعون المخالفات الي عليكم + تبصمون و بس راح يبين بسستم الوزارة ان تم ✅ 📍 لوكيشن الادلة الجنائية

1️⃣2️⃣- بعد المباشرة في شغله اسمها اجراءات ( قرار التعيين ) بعد اسبوعين من مباشرتكم راجعوهم على هالموضوع روحو قسم التعيينات و قولو لهم بعرف كتاب قرار التعيين وين واصل ؟ و بس يخلص راح يدزون لكم هالايميل ان خلصو من قرار التعيين 👇🏻 و بس والله موفقين♥️



Follow us on Twitter

to be informed of the latest developments and updates!


You can easily use to @tivitikothread bot for create more readable thread!
Donate 💲

You can keep this app free of charge by supporting 😊

for server charges...