Hazem Ghaith

Hazem Ghaith

16-03-2022

19:05

ناس كتير من زمايلنا بعد الاسبيس امبارح سألتني عن الريسرش وازاي ممكن يبدأوا فيه وكده …. حبيت اكتب ثريد عن الموضوع علشان تكون الافاده للجميع قدر المستطاع … الثريد هيكون طويل شويه معلش لكن علشان يحاول يكفي الغرض قدر الامكان اولاً/ لازم تسأل نفسك سؤال الاول هو ليه اصلا انت ..(١)

ممكن تهتم بالريسرش او بمعنى تاني ايه السبب اللي ممكن يخلي عندك شغف ناحيته هيفيدك بايه يعني !!؟ هو بصراحه فوايده كبيره جدا .. تعالى ناخدهم واحده واحده اولا لو انت شخص مهتم بالمعادله والسفر والماتش فبعد نظام المعادله الجديد وان step 1 بقت Pass/fail فبقى نظام ال filtering بين ..

المتقدمين ع اي تخصص بيعتمد اكتر على ال CV وعلى ال connections اكتر من زمان ف بالتالي لازم يكون لك بصمة ومساهمه ف الريسرش علشان تكون فرصتك اكبر حاليا … كمان انت لو شخص حابب تكمل اكاديمي مثلا وتحضر PhD مثلا فلازم يكون عندك CV كويس وال publications بتكون ضروره وبتفرق معاك جدا ..

كمان كشغف عموما بالتخصص اللي انت حابه وحابب تكون updated فيه باستمرار ف هنا الريسرش هو الاساس ف ده انك دايما تكون عارف الجديد اولا بأول وبتقدر كمان من خلاله تتواصل وتعمل بعض ال connections مع ناس كويسه في التخصص اللي انت حابه اكيد بتتعلم منهم وبيفدوك جدا ..

دي الحاجات اللي باختصار شديد اللي ممكن تكون سبب لشغفك بالمجال او حبك تتعلمه طيب انا حابب اتعلم واشتغل اعمل ايه ..؟ اولا فيه مصادر كتير جدا لانك تتعلم اولهم كورس د أحمد نجيده @NegidaMD وهو كورس من افضل الكورسات

اللي بتخليك فعلا تقدر تحط رجل كويسه على الطريق ده ويجمعلك كل الماتريال في صورة شرح مبسط وافي واللي انا بدأت بيه فعلا ثانيا فيه مجموعه كويسه من الماتريال الموجوده اونلاين كويسه وتقدر تفتحلك الطريق هحط بعض اللينكات هنا ليها للي حابب يشوفها:

ده معظم الشغل ال secondary المتاح والناس بتشتغله كتير (٥) كورس استانفورد بعنوان Writing in the Sciences للتدريب على الكتابه العلميه وفيه مجموعة تانيه كبيره من الكورسات والكتب اللي بإذن الله ابقى انزلها بعد كده لكن ده اشهر الموجود

كمان دي مجموعة من ال slides للبريزنتيشن في ال session اللي كنت عاملها في القصر العيني عن ال Clinical research ممكن حد يستفيد بيها ولو حد حابب ابعتهاله كامله يعرفني

وفي النهاية حابب اقول انه اللي ربنا كاتب له حاجه في طريق معين بتحصله وده ما هو الا مجرد سعي مش اكتر … ف حاول ما تضغطش على نفسك واختار اللي يناسبك واسعى قدر الامكان وربنا يوفقنا جميعا …

كمان بإذن الله هكون موجود في الاسبيس الجاي مع دكتور اسلام خلف ودكتور محمد سيد اللي حابب يستفسر عن اي حاجه @Islamkhalaf0 @msayed999 … وربنا يوفقنا جميعا يارب

لينك ال presentation وبإذن الله هحاول اعمل update للثريد كل شويه بأي سورسز او حاجات جديده ممكن أضيفها ..



Follow us on Twitter

to be informed of the latest developments and updates!


You can easily use to @tivitikothread bot for create more readable thread!
Donate 💲

You can keep this app free of charge by supporting 😊

for server charges...